Добра и лоша вест за мостот кај Железничка – нема сериозни оштетувања, но за пуштање ќе мора да се почека

Од:

Мостот кој беше опожарен, а кој ги поврзува Железничка и Ист гејт нема сериозни оштетувања и неговата санација ќе биде полесна, односно се работи за помали зафати. Сепак најавите дека овие зафати би биле готови за неполн месец се нереални.

Според информациите на А1он, испитувањата се завршени и експертизата ќе биде готова и доставена до Град Скопје наредниот понеделник. Од она што е утврдено, на мостот ќе му биде потребна лесна санација. Нема да има потреба од дополнително зајакнување од кое се стравуваше, а за кое ќе беше потребен подолг временски период за санација.

Сепак и оваа лесна санација бара време, и и покрај желбата на надлежните и Градоначалничката на Скопје, Данела Арсовска, опожарениот мост кај Ист Гејт и Железничка неможе да биде пуштен скоро во употреба како што се најавува.

„На мостот не му е потребно зајакнување бидејќи од визуелната слика што ја добивме од снимката со дрон се гледа дека каблите за преднапрегање не се оштетени од висока температура. Оштетен е само бетонот и треба на долната плоча да се постави заштитен бетон“, вели за А1он, професорот Михаил Гаревски од приватниот Институт за сеизмички отпорни градби и климатски промени, ангажиран од Град Скопје да направи експертиза за мостот.

Потребно е таканареченото торкретирање со бетон да се изврши на долниот дел од плочата, потоа да се изврши пробно оптоварување, па да се пушти мостот во употреба. Проблем е што до тоа воопшто да дојде мора да се отстранат цевките на топлификиција.

„Од отстранувањето на цевката од страна на тимовите на ЕСМ ќе зависи кога ќе почне санацијата, бидејќи без вадењето на цевките не може да се направи ниту примарната санација, Откако ќе се почне со санацијата по правило би требало бетонот да зрее 28 дена и потоа треба да се направи пробно товарење како доказ дека мостот е во ред. Тоа товарење на мостот ќе биде со 60 тонски возила и дури потоа може да се пушти мостот. “, вели Гаревски .

Што се е оштетено и од што зависи санацијата, Гаревски детално објаснуваше и во видео репортажата на А1он.

 

Би можело да ве интересира

(ВИДЕО) Се запали автомобил среде раскрсница кај Железничка во Скопје

А1он

(ВИДЕО) Ангелов револтиран поради мостот кај Визбегово: Некој може да биде убиен од овие коцки

А1он

ЦУК: Ангажирани нуркачи со цел и под вода да се утврди состојбата на столбовите на мостот на реката Црна

Се бара решение за напукнатиот столб на мостот на Црна, железничкиот сообраќај кај Стоби се уште во прекин

Мигрант пронајден мртов на железничка станица Илинден – починал од струен удар

А1он

Мостот на река Пчиња во исклучително лоша состојба, Општина Куманово аплицирала со проект за санација