Пратеникот од ВМРО-ДПМНЕ, Илија Димовски испорача два предлога до владата во за уставните измени. Тие да се ограничат со рок до кога да важат, во случај да дојде до распаѓање на ЕУ и второ, во преамбулата барем на две места да не се додаде придавката Северна.
Димовски својот предлог го нарече „забеган, фанатичен и романтичен“, но потенцира дека е важно да се напомене дека промената на уставното име се прави поради членството во ЕУ и НАТО и дека според него ниту владата не е среќна што предлага вакви амандмани, па оттука смета дека е добро да се прецизира до кога би важеле уставните измени.
На ова Заев одговори дека Целиот процес се прави за подобра и постабилна иднина на државата и на сите граѓани, не само поради членството.
Галена Николовска-Ризвановиќ