Димитров се сретна со новата германска амбасадорка Анке Гизеле Холштајн

Од:

Министерот за надворешни работи Никола Димитров одржа средба со новата вонредна и ополномоштена амбасадорка на Сојузна Република Германија во Република Северна Македонија, Н.Е.  Анке Гизеле Холштајн, која во оваа прилика ги предаде копиите на акредитивните писма.

 „Покрај интензивната билатерална соработка во изминативе три години која посветено се стремиме да ја продлабочуваме и во иднина, со нетрпение го очекуваме и заедничкиот успех – првата Меѓувладина конференција да биде организирана токму за време на германското претседавање со Советот на ЕУ. Благодарни сме за досегашниот германски придонес во градењето консензус и донесување на позитивна одлука за започнување на преговори за членство во Европската Унија, во март ова година,“ рече Димитров.

Амбасадорката Холштајн ја повтори поддршката на Германија за реализација на нашите стратешки приоритети, подвлекувајќи дека иако германското претседавање со Советот на ЕУ е исправено пред најголемиот економски предизвик во историјата на ЕУ поврзан со закрепнување на земјите погодени од коронавирусот, ќе се заложи максимално да ја засили европската перспектива на нашиот регион, а со тоа и да обезбеди стабилност и развој на Западниот Балкан.

 

Би можело да ве интересира

Жена со нож избоде 17 лица на железничка станица во Хамбург

Горан Наумовски

Нов напад со нож во Германија: Дванаесет повредени во напад на железничка станица

Горан Наумовски

Два напади со нож меѓу деца денес во Германија

Мерц и се закани на Москва: Русија ја загрозува безбедноста во Европа

Горан Наумовски

35-годишен Сириец е приведен во Германија откако избоде пет лица

ВИДЕО: На Мерц му фалеа шест гласа, не стана германски канцелар

Катерина Ѓуровски