Димитров и Коѕиас нема да разговараат за името, туку за унапредување на довербата меѓу двете земји

Од:

Премиерот Зоран Заев денеска изјави дека на утрешната средба на шефовите на дипломатиите на Македонија и на Грција, Никола Димитров и Никос Коѕиас во Атина, нема да се разговара за името туку како да се унапредат мерките на доверба меѓу двете земји.

– Испраќаме порака на една нова иднина во делот на соработката помеѓу Р.Македонија и Р.Грција, а тоа е иднина којашто ќе гарантира заедничка европска иднина, наместо да заглавиме во историјата како што беше пример до сега. Првите разговори со премиерот Ципрас, првите мои разговори и со министерот Коцијас, но и на нашиот министер за надворешни работи со Коцијас наговестуваат пријателски однос се со конечна цел да побараме поддршка пред се од граѓаните на Грција преточена преку владејачките партии, преку опозиционите партии, преку Владата на Р.Грција, преку Парламентот на Р.Грција да помогнат на Р.Македонија во исчекорот на своите интеграции, а тоа е да ги ослободат процесите заради тоа што навистина процесот на преговорите има можност да тече. Сакаме да изнајдеме решение на овој горчлив проблем, пред се за нас, граѓаните на Р.Македонија и за нашата земја, но секако и да ги ослободиме интеграциите на државата, мислејќи на НАТО интеграцијата и отпочнувајќи преговори со Европската Унија, рече Заев, одговорајќи на новинарски прашања по дадениот исказ во СЈО за случајот „Таргет“.

Заев очекува тенденција на позачестени состаноци меѓу високите претставници на Република Македонија и на Република Грција, вклучително и на премиерите на двете земји.

– Го очекуваме господинот Нимиц да ја посети и Македонија и Грција, се со конечна цел да ги убрзаме ваквите процеси, при тоа секако, нашиот став е јасен. Ставовите поврзани околу уставното име на Република Македонија ќе ги градиме во конзензус со опозицијата, а ќе бидат конечни на реферндум на кој ќе се изјаснат граѓаните, изјави Заев.

Би можело да ве интересира

Мртво девојче е пронајдено на плажа во близина на Атина

Силна експлозија пред станбена зграда во Солун, најмалку двајца се повредени

(ВИДЕО) Несреќа во Грција: Огромен кран падна врз куќа, неколку лица се повредени

Две затворски казни од пет години и парична од 300.000 денари за фирма за предизвикан пожар над велешко езеро „Младост“ во август 2019

Крадел од пациенти на Онкологија, Обвинителството поведе постапка

Мицкоски: Времето кога парите завршуваа во приватни џебови е минато, денес секој денар се гледа на терен, во нова улица, нов натпатник, продолжуваме да градиме