Државната изборна комисија (ДИК) денеска ќе го соопшти начинот на спроведување на теренските проверки на податоците кои произлегоа од Извештајот од вкрстените проверки на базите на десет институции, чија цел е прочистување на Избирачкиот список во пресрет на вонредните парламентарни избори.
Претставници на Комисијата, исто така, ќе ја презентираат медиумската кампања „Отворени врати“ преку која граѓаните треба да се информираат и да се мотивираат за соработка со тимовите на ДИК кои ќе ја спроведат теренската проверка.