Државната изборна комисија, по спроведената евалуација за работењето од нејзиниот избор до денес, на седницата одржана на 6 јуни 2016 година ги усвои заклучоците кои се однесуваат на досегашните и идните активности на ДИК. Усвоените заклучоци се објавени на официјалната веб страница на Државната изборна комисија.
Исто така, по измените на Изборниот законик и донесените одлуки од страна на Управниот суд, согласно член 31 став 2 точка 28г од Изборниот законик, на 26 мај 2016 година е објавен Избирачкиот список на веб страницата на ДИК со следните податоци: име, презиме и адреса на избирачите.