Институтот за истражување на политики и добро владеење денеска презентираше анализа, врз основа на која препорачува да се измени спроведувањето на изборите во дијаспората. Според Институтот, потребно е да се воведе поефикасен систем. И невладината организација МОСТ смета дека треба промени во гласањето на дијаспората, за што предложи тоа да се направи преку гласање преку пошта.
„Доколку вака се спроведе гласањето ќе се намалат економските импликации, а излезноста на гласачите ќе биде поголема.Легитимноста на избраните пратеници ќе биде поголема, а тоа ќе придонесе да се зголеми и нивната одговорност“, изјави Дарко Алексов од МОСТ.
Според резултатите од истражувањто, Башким Бакиу рече дека нивните пресметки за трошоците за избор на тројцата пратеници од дијаспората покажале дека се еднакви на една четвртина од вкупните трошоци за спроведување на изборите во државата за 120 пратеници.
Тој додаде дека, изборот на пратеници од дијаспората создава нееднаква вредност на гласовите во Македонија и во дијаспората.