Полицијата поднесе кривична пријава против А.Ш.(19) за уцена и злоупотреба на лични податоци на девојката со која бил во љубовна врска.
А.Ш. на 13-ти овој месец и се заканил на девојката дека доколку не му даде парични средства во износ од 5.000 денари ќе објави фотографии со копромитирачка содржина на социјалната мрежа Инстаграм кои ги направил при сексуален чин помеѓу нив. Истиот ден, пријавениот го отворил Инстаграмот без нејзина согласност и користејќи лични податоци од оштетената на лажниот профил поставил дел од нејзина фотографија направена при сексуален чин.
Кога оштетената дознала дека А.Ш. отворил лажен Инстаграм профил и поседува нејзини компромитирачки фотографии, се сретнала со него при што истиот физички ја нападнал, задавајќи и удари во пределот на лицето и повторно и се заканил дека ќе ги објави фотографиите и видео клиповите со компромитирачка содржина доколку не му даде 5.000 денари.
Оштетената случајот го пријавила во Полициската станица – Бит пазар.
Пријавениот на 14-ти овој месец по претходно телефонско јавување и упатени сериозни закани, од оштетената земал 3.000 денари, по што повторно физички ја нападнал. По преземени дејствија од страна „алфите“ пријавениот е приведен во Полициската станица – Кисела Вода заедно со уште едно лице кое било со пријавениот при извршување на кривичните дела. На пријавениот му е извршен преглед при што се пронајдени парични средства и мобилен телефон кои се одземени. Врз основа на дадена усна наредба од судија за предходна постапка од Основниот суд Скопје 1 извршен е претрес во домот на пријавениот, каде што се пронајдени и одземени еден компјутер и повеќе ЦД дискови.
На пријавениот му е изречен притвор од осум дена.