МВР извести дека утринава во селото Сенокос, општина Долнени, полициски службеници ги уапсиле малолетник и В.Т.(21), двајцата од селото, поради сомнение за сторено кривично дело „убиство“.
„Вчера во 19.37 часот во ОВР Прилеп било пријавено дека на булеварот „Гоце Делчев“ во Прилеп било пронајдено лице со повреди, по што билo пренесено во Градска болница Прилеп, каде што лекар констатирал смрт и било утврдено дека се работи за малолетник од Прилеп. Полициски службеници од ОВР Прилеп заедно со јавен обвинител извршиле увид на местото на настанот, а по судска наредба бил извршен претрес во домот на малолетникот во с. Сенокос, при што биле пронајдени и одземени предмети со кои било извршено кривичното дело. Со малолетникот бил извршен службен разговор, во кој го признал делото, а по целосно документирање на случајот, во координација со јавен обвинител против него е поднесена кривична пријава по член 123 од Кривичниот законик“, соопшти полицијата.