Дескоска: Сериозно ги разгледуваме препораките на Венецијанската комисија

Од:

Министерството за правда сериозно го разгледува мислењето од Венецијанска комисија за Законот за употреба на јазиците. На тоа ќе работи мешовита работна група од повеќе министерства, а постои и можност дадена од самата Венецијанска комисија за доразјаснувања на одредени препораки, рече министерката за правда Рената Дескоска на денешната заедничка прес-конеференција со премиерот Зоран Заев.

– Често пати тоа мислење беше неправедно презентирано во јавноста бидејќи содржи и многу позитивни ставови, кои се однесуваат на Законот за јазици и секако содржи препораки за подобрување на законската рамка. Дел од она што значи укажување на Венецијанската комисија за одредени прашања во пракса не произведуваат проблем, една од нив е да се намалат висината на казните кои што треба да ги плаќаат институциите, а законот не предвидува граѓаните не плаќаат казни. Тоа беше една лоша пропаганда од страна на недобронамерни луѓе во нашата држава. Комисијата укажува дека таа казна треба да биде намалена. Ние донесовме Закон за прекршоци кој е двотретински и сега целото законодавство се усогласува со законот за прекршоци, не само законот за јазици. Сега Собранието е претрупано со голем број закони кои се во собраниска процедура. Имаше рок во законот за прек дека усогласувањето треба да се случи за шест месеци. Со оглед на големиот обем на работа тоа не се слуќи и ставивме одредба доколку тоа не се случи за матични закони согласно законот за прекршоци да се применува законот за прекршоци, рече Дескоска на новарско прашање.

Таа додаде дека во овој контекст дадена е препорака од Владата до сите министерства прекршочните органи да дејствуваат согласно законот за прекршоци, што значи ќе се изречуваат поблаги казни, што значи дека во овој дел е веќе извршено усогласување со препораката на Венецијанската комисија.

– Сметаме дека сериозно треба да се разгледа мислењето на Венецијанската комисија. Премиерот најави дека ќе биде формирана мешовита комисија од повеќе институции што е во ред. Така што во таа работна група Министерството за правда го дава својот максимален професионален придонес. Мислам дека нема да има тешка работа, единствено ќе биде проблем да се усогласиме за различно толкување на одредени ставови од различни институции. Но, затоа Венецијанската комисија даде можност дека можеме да контактираме со неа за доразјаснување на одредени препораки доколку има пробелм и тоа е пракса што се случува со сите мислења по закони, појасни Дескоска на прес-конеференцијата на која беа презентирани отпишување на камати за долгови и измените на законот за извршители.

Би можело да ве интересира

Втор ден меѓународна научна конференција за примената на Законот за употреба на јазиците

Ана Ололовска

Забелешките на Венецијанската комисија за Законот за јазиците ќе се анализираат по изборите

Ана Ололовска

Патлиџанковски: Законот за јазици се спроведува споро

А1он

Законот за јазици нема да се ревидира, тврди вицепремиерот Османи

Заев: Зачувувањето на јазикот е од огромно значење за обединување и културно поврзување

Од Венецијанската комисија не бараме одложување на мислењето за Законот за јазиците, вели Заев

Ана Ололовска