Во текот на изминатиот ден на подрачјето на Град Скопје од страна на сообраќајната полиција извршен е увид на вкупно 10 сообраќајни незгоди.
Од нив, шест се со последица материјална штета и четири со последица телесна повреда во кои со полесни повреди се здобиле двајца возачи на патничко моторно возило, еден сопатник, еден пешак, еден велосипедисти и еден возач на мопед.
Според евиденцијата на сообраќајната полиција, случени се уште две незгоди со мала материјална штета во коишто е пополнет Европскиот извештај за случена сообраќајна незгода.
Во текот на вчерашниот ден од страна на сообраќајната полиција откриени и санкционирани се шест пешаци кои поминале на црвено светло на семафорот за пешаци, седум возачи кои не отстапиле првенство на минување на пешаци на обележан пешачки премин, четворица возачи кои ги управувале своите возила под дејство на алкохол и истите се исклучени од сообраќај, 10 возачи коишто не го почитувале ограничувањето на брзината на движење и тројца возачи кои не ги почитувале светлосно сообраќајните знаци на крстосниците.
Отсекот за превенција при Единицата за безбедност во патниот сообраќај денеска ќе одржи сообраќајна поука со почеток во 19 часот во просториите на Полициската станица од општа надлежност Гази Баба на која ќе присуствуваат граѓани учесници во сообраќајот кои сториле прекршоци по разни основи во својство на пешаци.
Отсекот за превенција при Единицата за безбедност во патниот сообраќај при СВР Скопје ќе одржи едукативни работилници во основните училишта „Блаже Конески“ и „Димитар Македонски“ кои се наоѓаат на подрачјето на општина Аеродром, со учениците од второ и четврто одделение.
За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.