Десет пати пониско од просекот за март е нивото на реката Сатеска кај Ботун, покажуваат денешните хидролошки мерења.
Според УХМР, намалување на нивоата бележат сите реки.
Пет пати е пониско нивото на Треска кај Македонски Брод, четири пати на Црн Дрим кај Ложани, трипати на Бабуна кај Богомила, а преполовени се нивоата на Црна Река кај Новаци, Струмица кај Ново Село и Лепенец кај Скопје.
Водостоите на езерата, Охридско, Преспанско и Дојранско, се околу мартовскиот просек.