Претседателот на Државната изборна комисија, Оливер Деркоски, соопшти дека се обработени 96.92 отсто од гласовите, при што гласале 41,92 отсто од гласачите.
Тој рече дека важечки се 696.467, а 31.585 се неважечки. Според податоците од ДИК, кандидатот Блерим Река освоил 75.519, Гордана Сиљановска Давкова 309.799, а Стево Пендаровски 310.751 гласови.
„Денешниот ден помина во мирна атмосфера, без посериозни забелешки од набљудувачите, органзиравме фер и коректен изборен ден. Во втор круг влагаат Сиљановска и Пендаровски“ рече Деркоски.
Ова се првични неофицијални резултати пристигнати до ДИК преку електронски пат и дека во текот на ноќта Државната комисија ќе продолжи со обработка на податоците, како и дека официјалните резултатит се очекуваат во текот на утрешниот или наредните денови, доколку има потреба од приговори или прегласување на некои места.
Галена Николовска-Ризвановиќ