Во Кривичниот суд за денеска се закажани судења за предметите „Траекторија“ и „Транспортер“ на Специјалното јавно обвинителство.
Обивнети во случајот „Траекторија“ поранешниот премиер Никола Груевски, поранешниот вицепремиер Владимир Пешевски, екс министерот за транспорт и врски Миле Јанакиески и поранешниот директор на Агенцијата за државни патишта, Љупчо Георгиевски. Тие се товарат дека ги искористиле и пречекориле своите овластувања при изборот на компанија за изградба на автопатите Миладиновци – Штип и Кичево – Охрид, со што го оштетиле државниот буџет за 155 милиони евра.
Во случајот „Транспортер“ обвинети се поранешниот битолски градоначалник Владимир Талески и уште 20 лица за злоупотреба на службената положба за организирање превоз на ученици во Битола. Според СЈО тие проневериле околу 360 илјади евра.