Дендиас доаѓа во Скопје, ќе се направи евалуација на спроведувањето на Преспанскиот договор

Од:

Шефот на дипломатијата на Грција Никос Дендиас кон крајот на месецот доаѓа во посета на Северена Македонија, при што ќе се направи и евалуација на спроведувањето на обврските од Преспанскиот договор, а ќе се разговара и за поддршката на Атина во однос на нашата евроинтеграција, најави денеска министерот за надворешни работи Бујар Османи.

– Сметам дека е важна посета, повратна после мојата во Атина и зборува за интензитетот на комуникацијата на високо ниво што е одраз на добрите билатерални односи меѓу нашите држави коишто се и повеќе од само имплементирање на Преспански договор, бидејќи Преспанскиот договор предвиде создавање на стратешко партнерство меѓу нашите две држави и ние тоа во континуитет го градиме и го подобруваме и во политичкиот и во економскиот контекст, рече Османи на новинарско прашање на заедничката прес-конференција во МНР со министерот за внатрешни работи Оливер Спасовски.

Посочи дека во МНР е формирана работна група за следење на имплементацијата на Преспанскиот договор вклучувајќи и координатор и тековно се следат на неделна основа нашите обврски.

– Тоа не се само обврски од членот 8 кои произлегуваат во промена на ознаките, таблите итн., туку и во делот на Комисијата за заштита на трговските марки што е многу важно прашање, бидејќи колку побрзо ќе се реши прашањето за трговските марки толку ќе бидеме можеби во подобра позиција во однос на заштитата на трговски марки или, пак, во однос на Комисијата за образовни прашања. И четвртиот дел е секторската соработка која исто е предвидена во рамки на Преспанскиот договор, рече Османи.

Предвидено е на средбата со Дендис, наваде Османи, да се направи и евалуација на степенот на имплементација во однос на обврските што ги има и државата, меѓутоа и што ги има Република Грција.

– Планираме посуштински и посистематски да влеземе по однос на сите прашања со цел да направиме еден пресек на степенот на реализација, меѓутоа се разбира и другите прашања ќе ги отвориме, пред се поддршката во однос на европските интеграции и се разбира секторската соработка во контекст на стратешкото партнерство, изјави министерот Османи.

Би можело да ве интересира

Османи: МНР никогаш не вршело притисок по однос на содржината на разговорите и одлуките на историската Комисија

Ана Ололовска

БНТ: Спомениците на бугарските војници кај Кавадарци не се допрени

А1он

МНР ги отфрла тврдењата за наводно оштетување на спомен обележје на бугарски војници кај Кавадарци

А1он

Грчкиот алтернативен министер за надворешни работи Варвициотис утре во Скопје

Ана Ололовска

Османи: Ќе се градат амбасади во Атина и Анкара, а неколку ДКП ќе се реновираат

Ана Ололовска

Пендаровски: Добив потврда дека Грција го почитува Договорот од Преспа и сака целосна имплементација

А1он