Дедо и внук повредени на пешачки премин во Штип

Од:

Такси возило утрово удри во двајца пешаци на пешачки премин во централното градско подрачје во Штип. Пешаците, кои биле дедо и внук, се здобиле со телесни повреди.

Несреќата се случила утринава околу 8 часот, кога 65-годишниот пешак и неговиот осумгодишен внук преминувале на пешачки премин на мостот кај Стопанска банка, а во нив удрило такси возило марка шкода „фабиа“. Возилото го управувал 60-годишен возач од Штип.

Портпаролот на СВР-Штип, Гордана Панајотова вели дека пешаците веднаш се пренесени во штипската Клиничка болница, каде што им се констатирани телесни повреди.

Портпаролот на Клиничка болница-Штип, Марина Шуманска забележа дека по извршените прегледи и снимања утврдено е дека лицата се со полесни повреди и се пуштени на домашно лекување.

Во Штип пред неколку месеци на пешачки премин на булеварот „Гоце Делчев“ беше прегазен 14 – годишен средношколец, кој неколку дена подоцна им подлегна на тешките повреди, а во истиот период беше прегазена жена на пешачки премин кај кружниот тек кај Стопанска банка.

Панјотова апелира возачите и пешаците да внимаваат и да ја почитуваат сообраќајната сигнализација, со цел поголема безбедност за сите ученици во сообраќајот.

Би можело да ве интересира

Утре ќе биде изменет сообраќајниот режим на експресниот пат Штип – Кочани

(ВИДЕО) Детали за убиството во Штип: Убиецот ја викнал жртвата за да се смират, пиштолот го купил во Скопје

Катерина Ѓуровски

ВИДЕО: Уапсен е убиецот кој вчера пукаше во кафуле во Штип

Катерина Ѓуровски

Почина студентот од Турција кој беше застрелан синоќа во кафуле во Штип

Катерина Ѓуровски

ВИДЕО: Се трага по напаѓачот од штипското кафуле кој и побегна на полицијата кај Миладиновци

Катерина Ѓуровски

Пукање во Штип, едно лице е повредено на градскиот плоштад во Штип

Предраг Петровиќ