Дебранец бесправно изградил базени покрај Дебарското езеро, доби кривична пријава

Од:

Дебарското одделение за внатрешни работи поднесе кривична пријава против жител на градот кој узурпирал земјиште во државна сопственост покрај брегот на Дебарско Езеро и на него бесправно градел.

-Кривична пријава е поднесена против Б.П.(68) од Дебар, поради постоење основи на сомнение за сторени кривични дела „бесправно градење“ и „узурпација на недвижности“. Тој во текот на 2020 година, кај месноста „Бадеми“ на крајбрежјето на Дебарско Езеро, узурпирал државно земјиште со вкупна површина од 69,36 метри квадратни и без одобрение од надлежен орган, од цврст материјал, изградил два базени, изјави Стефан Димоски, портпарол на Секторот за внатрешни работи.

Тој додаде дека со тоа пријавениот го прекршил членот 59 од Законот за градење и се стекнал со противправна имотна корист од 106.970 денари.

Долж брегот на Дебарско Езеро, посебно кај градската плажа и месноста „Манастирец“ (Три чешми) голем број жители на Дебар, но и од Скопје, бесправно изградија функционални објекти, со узурпација на земјиште во државна сопственост. Иако се најавуваше дека против нив ќе се преземат соодветни законски мерки, во еден период и нивно уривање, дел од нив, како што беше речено на една од последните седници на Советот на општина Дебар, веќе се легализирани.

Би можело да ве интересира

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

Нормализиран сообраќајот на патот Бошков мост – Дебар

Поради сообраќајка, во прекин е сообраќајот на патот Бошков мост – Дебар

Приведени полицајци во врска со пожарот во „Пулс“ во Кочани

А1он

Обновување на форензички софтвер, нема набавка на „софтвер за шпионажа“, реагира МВР

Катерина Ѓуровски

СДСМ: МВРО-ДПМНЕ на старите патеки, МВР набавува сомнителен софтвер за прислушкување