Пратениците и граѓаните денеска ќе дебатираат за почист воздух во Битола на средба што ја организира Граѓанската асоцијација МОСТ, во рамки на проектот „Мобилен Парламент“.
Целта на настанот е преку директна комуникација со избраните претставници да се согледаат причините за загадувањето во Битола и да се изнајдат соодветни решенија.
На дебатата ќе говорат пратениците од Изборната единица 5, а поканети се и претставници од локалната самоуправа и Министерството за животна средина и просторно планирање. Дебатата е јавна и на неа може да присуствуваат сите заинтересирани граѓани.
Проектот „Мобилен Парламент“ е реализиран од страна на МОСТ и е поддржан од Европската унија, преку европскиот инструмент за демократија и човекови права.
