Дебата: Македонија во новиот контекст на проширувањето на ЕУ

Од:

Европското движење на Република Македонија, денеска организира кафе-дебата „Европа меѓу кризите и реформите – Република Македонија во новиот контекст на проширувањето“.

Дебатата, како што соопшти ЕДРМ, се организира по повод претстојниот референдум што стирктно се поврзува со евроинтеграциската перспектива.

На дебатата ќе се дискутира за политичката клима во Европа во предвечерието на изборите за членови на Европскиот парламент, каде е видлив растечки рејтинг на крајно десните и левите партии, со осврт на новите сценарија во однос на проширувањето поврзани со евентуална промена на политичките констелации. Исто така, ќе се постават определени витални прашања поврзани со можниот почеток на претпристапните преговори на крајот од 2019 година.

На дебатата ќе говорат Драган Тилев, државен советник во Секретаријатот за европски прашања, Ило Трајковски професор на Филозофскиот факултет при УКИМ, Блерим Река професор на Универзитетот на Југоисточна Европа – Тетово, Милева Ѓуровска професор на Филозофски факултет при УКИМ и претседателка на ЕДРМ и Трпе Стојановски, професор на Факултетот за безбедност на Универзитетот „Св. Климент Охридски“ – Битола.

На дебатата ќе присуствуваат и претставници на академската средина, амбасадори и други дипломати, претставници на Владата и на Собранието на РМ, граѓанскиот сектор и активисти на Европското движење во Република Македонија.

Би можело да ве интересира

Мицкоски: Никогаш нема да се повлечеме од преговори со ЕУ, цел на оваа Влада е државата да стане дел од Унијата

Горан Наумовски

Фон дер Лајен: ЕУ, САД и НАТО ја зајакнаа својата заедничка позиција за Украина

Горан Наумовски

Европските лидери поставија пет услови пред средбата Путин-Трамп

ЕУ подготвува нови санкции кон Русија

Калас: Нема отстапки додека Русија не се согласи на безусловно примирје

Орбан: Единствен разумен потег на лидерите на ЕУ е да започнат самит ЕУ-Русија