Координаторот на една од пратеничките групи на ВМРО-ДПМНЕ, Драган Данев вели дека претседателот на Собранието, Талат Џафери, го злоупотребил собраниското столче со втората пауза за координација.
-Немаше никаков договор за координација помеѓу партиите, ние нема да одиме на таа средба. Џафери со ова го злоупотреби собранискиот микрофон и неговата позиција во македонското Собрание, вели Данев.
Тој апелираше ваквките злоупотреби и манипулации од страна на Џафери веднаш да престанат.
Данев уште еднаш ги повтори двете барања на ВМРО-ДПМНЕ, едното за закажување на седница на Комисијата за мандатно имунитетни прашања, а второто за разгледување на поднесените амандмани во врска со Законот за јазиците.
Виктор Јованов