Билјана в Охрид не белела платно со бесфосфорни детергенти, како што се препораките на еколозите. Ова се фотографии кои ги пренесуваме од веб порталот за риболов.
Алгите што цветаат се производ на поголемо количество на фосфор во водата. Сега кога ќе паднат на дното на езерото, при нивното умирање користат поголема количина кислород, и ова е штетно за рибите.
Дали ова е нашиот бисер – Охридското езеро, езеро со провидност од 20 метри, или езерото полека умира, прашуваат рибарите.
Порталот наведува -фосфорот си го прави своето, циклусот на замена на водата е 70 години. 
Оваа појава не треба да ја има, бидејќи вели претседателот на Здружението на риболовци „Свети Апостол Петар“ од Охрид, сега има колектор и не течат отпадни води. Рибарите реагираат дека е уништен најголемиот зимовник за рибата-каналот Студенчишта, кој сега наликува на корито, каде нема никаква флора и фауна.
Дали треба да се замислиме?
