Да не се заборави и да не се повтори – 76 години од депортацијата на македонските Евреи

Од:

Министерот за надворешни работи Никола Димитров, во името на Владата на Република Северна Македонија, денеска положи цвеќе на споменикот на 7.144 македонски Евреи кои во 1943 година беа присилно собрани во просториите на тогашниот Монопол и беа испратени во логорот на смртта Треблинка, информираат од МНР.

Во обраќањето пред присутните, Димитров истакна дека и по 76 години, тагата, болката и огорченоста од монструозниот обид за уништување на еврејскиот народ се вечни.

– Вечна е и нашата обврска, должност и чест да не го заборавиме никогаш тоа што се случи, за никогаш да не се повтори, рече Димитров.

Тој нагласи дека му е особена чест да положи цвеќе пред овој, како што рече, споменик, паметник и светилник: споменик на македонските Евреи жртви на Холокаустот, паметник за најголемото зло во историјата на човештво, светилник што секогаш ќе нè води на вистинскиот пат да го негуваме споменот, да ги едуцираме младите генерации, да истражуваме, да бидеме постојано будни и да се бориме против негирањето и искривоколчувањето на Холокаустот, против антисемитизмот, дискриминацијата и сите други форми на кршење на човековите права.

Со повеќе активности денеска во Скопје ќе бидат одбележани 76 години од депортацијата на македонските Евреи, во организација на Еврејската заедница и Фондот на холокаустот. Активностите ќе бидат заокружени со комеморативен концерт во Меморијалниот центар на холокаустот.

Би можело да ве интересира

МНР во соработка со Португалија врати уште 7 македонски граѓани од Перу на европско тло

А1он

Димитров-Ауреску: Вклучување на Западниот Балкан во ЕУ одговорот при справување со кризата и последиците

Ана Ололовска

Димитров: Македонското знаме гордо се вее меѓу 29 знамиња на НАТО сојузниците

А1он

МНР: Досега организирано враќање на 1842 македонски граѓани, активностите продолжуваат

Ана Ололовска

МНР организираше враќање на 169 македонски граѓани од Хрватска

А1он

МНР: Вратени 118 македонски граѓани од Малта, се организира и враќање од Хрватска

Ана Ололовска