Цивил: Мирен и навремен почеток на изборниот ден, нема поголеми нерегуларности

Од:

Мирен и навремен почеток на изборниот ден во 35-те општини каде се спроведува вториот круг од локалните избори бележат набљудувачите на граѓанското здружение Цивил-Центар за слобода.

Ова денеска на прес-конференција го истакна претседателот на граѓанското здружение Цивил-Центар за слобода, Џабир Дерала, кој рече дека на почетокот на изборниот ден не се бележат поголеми нерегуларности.

– Досега не е забележан проблем со употребата на спрејот за обележување на гласачите или УВ ламбата. Наспроти мирниот и регуларен почеток на изборниот ден, набљудувачите на Цивил доставија пет извештаи за нерегуларности. Во село Трубарево, општина Гази Баба се нотира кршење на изборниот молк и агитирање од изборен штаб на една политичка партија, каде што се врши и евиденција на гласачи, рече Дерала.

Посочи дека од нивните набљудувачи во општина Шуто Оризари имаат извештај за организиран превоз кој го врши поранешен заменик-министер од претходната власт. Превозот, истакна, се вршел со автомобили и со едно комбе, чии регистерски таблички биле забележани.

– Исто така, во Шуто Оризари во училиштето „26 Јули“ се нотираат два случаи на семејно гласање. Во Штип полицаец побарал од акредитиран набљудувач на Цивил да се оддалечи од местото кое се наоѓало надвор од избирачкото место. Иако уредно се претставил и ги покажал сите потребни документи му било кажано да замине од таа локација, рече Дерала и додаде дека во училиштето „26 Јули“ имало фотографирање на гласачкото ливче и лицето било приведено од полицијата.

Би можело да ве интересира

Јасен е победеникот на овие локални избори, а тоа е владиното мнозинство, вели Мицкоски

На независните кандидати ќе им бидат потребни само два потписа од избирачи за учество на локалните избори, одлучи ДИК

Независните кандидати наместо од еден отсто, треба да соберат потписи од 0,95 проценти од запишаните избирачи во ИЕ, за решението ќе се гласа утре во Собрание

Прво ќе се избере Народниот правобранител и претседател на ДКСК, па ќе се распишат локалните избори

Горан Наумовски

Гаши: Локалните избори ќе се распишат во првата половина од август

Шукова ја објави својата кандидатура за градоначалничка на Скопје