Чуму ни е ваков Парламент, кој е тигар без заби

Од:

„Чуму ни е ваков Парламент“, оваа опасна теза  која излезе во некои провладини медиуми, е за жал само  реалноста во Македонија,  во која не постои парламентарна контрола на Парламентот врз Владата.

Пратенитрците од владеачкото мнозинство, иако поканети не се појавија на трибината „Парламентарната контрола над Владата на република Македонија, организирана во рамките на одбележувањето на 20 години од Фондацијата Отворено општество.

А токму за нив беа и најголемите забелешки и сугестии.

Авторот  на анализата, Неда Коруновска Аврамовска во сеопфатното истражување и  констатира дека  , според анкетата, 35,8% проценти од граѓаните, сметаат дека пратениците воопшто не ја контролираат Владата, 40,8 проценти сметаат дека малку ја контролираат, за 19,7%, контролата е доволна, а само 2 % сметаат дека Владата е многу контролирана од пратениците.

И покрај тоа што државниот ревизор секоја година ги утврдува неправилностите, не се активираат механизми за политичка одговорност.

Секое десето пратеничко прашање добива одговор, но најчесто многу доцна и без ефект.

„Собранието е тигар на хартија, а не тигар со заби“, рече Каролина Ристова Астеруд.

Политичката воља е клучот за решавање на проблемите, се согласија Mерсел Биљали и Јани Макрадули.

Состојбата е на најниско ниво досега, не се следи имплементацијата на законите, укажа Макрадули.

„Се надевам дека Јавниот обвинител е жив и здрав. Исто и Антикорупциската комисија. Нејасно е како не реагираат на сите појави на кои јавно се укажува.  невозможно е претседателот на Собранието да не праша зошто има поднесено 15.000 амандмани на еден закон. Во светот е недозволиво, а кај нас е лоша практика, законите, и тоа некои многу битни, да се носат во скратена постапка“, укажа Макрадули.

 

Би можело да ве интересира

Парламентот го донесе Законот за ратификација на Договорот со Обединетото Кралство

Гаши: Мнозинството останува стабилно, Владата и парламентарното мнозинство ќе работат со полн капацитет

(ВИДЕО) Филипче: Историски се задолжуваме за шест милијарди евра, Владата крие детали

ВИДЕО: Словенечки политичар се искачи на покривот на Собранието, се закани со самоубиство

Касами е категоричен дека нема преговори за рокади со министерствата

Разрешница за промените во Владата по заминувањето на Таравари ќе има следната недела