Членовите на Постојаниот комитет на Парламентарното собрание на НАТO во „контрола“ на касарната „Илинден“

Од:

Членовите на Постојаниот комитет на Парламентарното собрание на НАТО, кои се во неколкудневна посета на нашата држава, денеска заедно со министерот за одбрана Владо Мисајловски ја посетија касарната „Илинден“ во Скопје, соопштија попладнево од собраниската прес-служба.

Делегацијата била пречекана од началникот на Генералштабот на Армијата, генерал-мајор Сашко Лафчиски, генерали во Армијата, како и високи претставници на Министерството за одбрана и Армијата.

– За време на посетата, членовите на ПК на НАТО, имаа можност да проследат неколку показни вежби на Армијата со што се прикажа обученоста на припадниците на Армијата при изведување комплексни сценарија. Во Домот на Армијата беа брифирани за развојот на македонската Армија и одбраната, се наведува во соопштението.

Во писмената изјава на генералот Лафчиски се наведува дека „оваа годишнина служи како потсетување дека нашето место во Алијансата е резултат на повеќе децениски труд, а нашата иднина е изградена на принципите на колективна одбрана, солидарност и соработка“.

Би можело да ве интересира

Столтенберг: Украина можеби ќе мора да отстапи територија за мир

(ВИДЕО) Путин: Русија два пати изрази желба да биде дел од НАТО

Горан Наумовски

Макрон: Дроновите што го нарушуваат воздушниот простор на земјите од Европската Унија и НАТО можат да бидат уништени

Дејвис: НАТО нема капацитет да го брани своето небо во војна со Русијa

Германија: Ниедна земја-членка на НАТО нема да биде оставена сама на себе

Руте: НАТО не може да си дозволи да соборува дронови со скапи ракети