Четворица македонски државјани вчера биле евакуирани од Судан кој е зафатен од воен конфликт информира Министерството за надворешни работи. Од МНР велат дека евакуацијата била изведена со помош на Саудиска Арабија, а четворицата Македонци во моментов се наоѓаат во Џеда. Амаксадата во Абу Даби го организира нивното враќање во земјава.
– До сега се евакуаирани вкупно 4879 лица, од кои 139 се Саудијци, а другите се од 96 земји од целиот свет, меѓу кои и од Европа, САД, а од нашиот регион освен Северна Македонија, се и Грција и БиХ. Министерството за надворешни работи со внимание го следи развојот на состојбите во Судан и е во комуникација со држави кои имаат свои дипломатски конзуларни претставништва во земјата, се наведува во соопштението од МНР.
Конфликтот во Судан почна во средината на април, досега има над 400 цивилни жртви. Судирот е меѓу Силите за брз поддршка и редовната армија.