Со отстранувањето на вертикалната и хоризонталната сигнализација на паркинзите Дебар Маало 1 од страна на град Скопје, се уништи бесплатниот паркинг во општина Центар, проект кој што беше изборно ветување и кое беше исполнето од страна на градоначалникот на општина Центар Андреј Жерновски.
Граѓаните во текот на денот реагираат и во ПОЦ и во Општина Центар бидејќи не знаат каде да се обратат.
Со овој потег на град Скопје, жителите на општина Центар ќе останат без бесплатниот паркинг и ќе мораат да плаќаат за паркирање на ЈП “Градски Паркинг – Скопје“.
Доколку возила на жителите на Центар кои ја имаа оваа повластица бидат паркирани, ќе бидат кренати од страна на пајак службата на ЈП “Градски Паркинг – Скопје“ за што следува казна од истата пајак служба и од МВР.