Невообичаен инцидент се случи во полскиот град Закличин, кога 78-годишна жена се обиде да излезе од паркинг во близина на централниот плоштад.
Сепак, за време на маневарот, автомобилот удри во метален столб. Потоа, таа одеднаш почнала да вози наназад и притоа оштети неколку паркирани возила.
Полицијата набрзо пристигна на местото на настанот и започна истрага за да утврди што точно се случи, пренесува „Polsat News“.
Портпаролката на полицијата, Јоана Дихтон, наведува дека надлежните преземаат мерки за прецизно утврдување на текот на настаните и сите околности поврзани со инцидентот.
Полицијата, меѓу другото, се обидува да утврди зошто автомобилот, по ударот во металниот столб, почна да се движи наназад, оштетувајќи дури шест возила.
Видео снимката набрзо го привлече вниманието на јавноста и медиумите. Таа се прошири на социјалните мрежи и предизвика интерес поради необичниот редослед на настани при едно навидум едноставно излегување од паркинг.