Царовска на средба со основците кои освоија медали на Балканската олимпијада по математика

Од:

Младите математичари се наша гордост. Медалите се заслужена награда за нивното посветено учење и желбата секој ден да откриваат се повеќе од чудесниот свет на математиката. Тоа ве вброи меѓу најдобрите на Балканот, сите се радуваме со вашиот успех, рече министерката за образование и наука Мила Царовска на средбата со учениците кои освоија златен, средбрен и два бронзени медали на Јуниорската балканска математичка олимпијада.

Државите кои имаат вакви умови, наведе таа, треба да се горди, но истовремено и да вложуваат во нивниот развој, затоа што младите научници се тие што државата ја движат напред. -Ги охрабруваме сите ученици да вложуваат во себе и во своето знаење, затоа што времиња како ова сега, ја покажуваат важноста на науката. Како Министерство за образование и наука ќе направиме се да им помогнеме на младите во остварувањето на нивните цели, им рече Царовска.

Младите натпреварувачи од нашата земја, како што соопшти МОН, учествуваа на олимпијадата за ученици до 15,5 години, каде виртуелен домаќин беше Грција, односно Грчкото математичко друштво.

Нашата екипа беше избрана преку систем на натпревари, кои секоја година ги реализира Сојузот на математичари на Македонија. Во македонската екипа беа Дамјан Давков ученик од VII одделение при ООУ „Ванчо Прке“-Штип, Никола Спировски ученик од 9 одделение при ОУ „Ј. Х. Песталоци“-Скопје, Марија Атанасова ученичка од 9 одделение при ООУ „11 Октомври“-Скопје, Матеј Гелев ученик од 9 одделение при ООУ „Блаже Конески“-Велес, Никола Цветаноски ученик од 9 одделение при ООУ „Ѓорѓија Пулевски“-Скопје и Емилија Николовска ученичка од 9 одделение при ООУ „Григор Прличев“-Охрид. Водач беше Делчо Лешковски, а заменик водач Борче Јошевски.

– Освојувачи на медалите во конкуренција на ученици од 10 балкански држави и 8 други држави-гости, се: Никола Спировски-златен медал, Дамјан Давков-сребрен медал, Никола Цветаноски-бронзен медал и Марија Атанасова-бронзен медал, се наведува во соопштението.

Би можело да ве интересира

МОН и БРО информираа за начинот на оценување во услови на пандемија, првите оценки за учениците до 20 ноември

Ана Ололовска

Царовска: Пристапот до квалитетно образование е најдобра превенција од сиромаштијата

Ана Ололовска

Царовска: 87 отсто од учениците без проблем следат онлајн настава

Ана Ололовска

МОН: Расте бројот на ученици кои следат онлајн настава, образовниот процес тече непречено

Ана Ололовска

МОН: Седум заразени ученици и петмина наставници се од настава со физичко присуство

Ана Ололовска

МОН повикува на почитување на мерките и одговорно однесување и надвор од училиштата

Ана Ололовска