Цановски и со советници на листата за Струга

Од:

Четворица членови на ПЕИ на Фијат Цановски се најдоа на советничката листа со ДУИ за Струга. ПЕИ доби високи позиции во заедничката советничка листа. На второто место е Адем Демишоски, број 7 е Недим Цаноски, број 8 е Ајет Кариманоски, и број 13 е Беким Салоски. Висок партиски фунцкионер од ПЕИ, кој инсистираше на анонимност за А1 ја потврди веста, но рече дека не може да се зборува за никаква коалиција со ДУИ за Струга

„Да тоа се наши членови , но коалиција со ДУИ се уште не е потпишана и не е потврдена и немаме договор за целосна соработка со нив. Тоа е направено на инсистирање на членови од партијата, кои сакаа да бидат дел од советничката листа, за да не се пропуштат целосно изборите и затоа се ставени на таа листа.Ова не значи дека излегуваме од коалиција со СДСМ, ние остануваме во опозициониот фронт на централно ниво. Како понатаму ќе се одвиваат работите ќе одлучат органите на партијата. За Ростуше извадивме кандидат колку да го запазиме рокот , но дали ќе одиме на избори ќе видиме понатаму. Овие што се на листата за Струга се наши членови, но ако се повлекуваме целосно, можат и тие да се повлечат понатаму. Ништо не треба да биде изненадување. Ќе почекаме да видеме какви ќе бидат понатамошните случувања, по што ќе се донесе конечна одлука“ рече висок партиски функционер на ПЕИ.

Останува нејасно како двајцата најголеми противници Цановски и Мерко кој е претседател на изборниот штаб на ДУИ за Струга можат да соработуваат. На листата на ДУИ за Струга на високото трето место е и ќерката на Рамиз Мерко, градоначалникот во заминување, Назмије Мерко Забзуни. Синоќа портпаролот на ДУИ, Бујар Османи изјави дека на ниво на Македонија Мерко и Ахмети имале договорено соработка, односно ДУИ да го поддржи кандидатот на ПЕИ во Ростуше, додека ПЕИ кандидатот на ДУИ во Струга, што е спротивно од изјавите кои пристигнуваат од ПЕИ.

Би можело да ве интересира

Хејли ќе се кандидира за претседателските избори во САД во 2024 година

Горан Наумовски

(ВИДЕО) Мицкоски: Ковачевски и ДУИ не можат затвореник да пренесат од точка А до точка Б, а не убедуваат дека ќе не однесат во ЕУ

Орце Костов

Со гласови на членовите на победничкото мнозинство ИК на Подгорица ги усвои конечните резултати од локалните избори

Хрватска има половина милион повеќе гласачи од жители

Петмина „вечни“ градоначалници во Словенија го добија осмиот мандат

Горан Наумовски

Бајден: Задоволен сум од исходот на изборите, тоа го одразува квалитетот на кандидатите на партијата