Бундестагот на 26 септември ќе даде зелено светло за преговори

Од:

Германскиот Бундестаг ќе даде зелено светло за отпочнување на преговорите на Република Северна Македонија со ЕУ, а на седницата која ќе се одржи на 26 септември кога на дневен ред ќе се најде точката за нашата апликација, лично ќе присуствува вицепремиерот за европски прашања Бујар Османи каде домаќин ќе му биде претседателот на Бундестагот, Волфганг Шојбле.

Османи ова го најави во изјавата за медиумите по средбата со германскиот државен министер за Европа и претставник на СР Германија во ЕУ, Михаел Рот.

– Од Рот добив уверување дека тие како Влада ќе застанат цврсто во барањето од Бундерстагот да даде зелено светло за Северна Македонија, кој на оваа тема ќе расправа за една недела. Сметам дека се движиме во вистинска насока, поддршката од Германија ни е апсолутно клучна, и очекувам дека сите овие напори ќе резултираат со одлука во октомври за старт на преговорите. Потврдата од германскиот Бундестаг ќе претставува зелено светло и за министерот Рот и воопшто за Владата на Германија и канцеларката Меркел, на претстојните состаноци во октомври на Европскиот совет да ја потврдат одлуката за старт на преговорите, изјави Османи за медиумите.

Османи во рамки на посетата на Берлин реферираше и за последните актуелности во земјава, нагласувајќи дека Владата е истрајна и посветена во отстранувањето на сите формални и неформални забелешки кои можат да претставуваат предизвик за одлуката во октомври.

– Остваривме напредок во сите посочени области од страна на Европскиот Совет, и во континуитет остваруваме солиден „трек-рекорд“, успешна имплементација на донесените реформи, истакна Османи.

Би можело да ве интересира

Вицепремиерот Димитров ја потпиша Рамковната спогодба за превод на правото на ЕУ

ВИДЕО: ЕУ-лидерите повикаа на поголема солидарност со Западен Балкан околу вакцините

Жарко Настоски

Земјите од ЕУ меѓусебно ќе си ги признаваат тестовите за Ковид-19

Жарко Настоски

Германија размислува за затворање на внатрешните и надворешните граници поради Ковид-19

Ана Ололовска

Лидерите од ЕУ на онлајн самит, ќе се зборува и за „ковид пасоши“

Ана Ололовска

Лани во ЕУ починале 300.000 луѓе повеќе отколку во претходните години

Жарко Настоски