Во недостаток на идеи и очекуван пораз на изборите, манипулациите на ВЛЕН продолжуваат во однос за наводна моја средба со Груевски со цел обезбедување на пратеници за поддршка на уставни измени. Јасно и гласно кажав дека таква средба немало. Тоа што се служат постојано со лаги и повторување на сите невистини нема да им помогне во кампањата, вели Бујар Османи, кандидат за градоначалник на Чаир.
„Додека тие освен негативна кампања ништо друго не нудат, ние креираме движење за промени кое расте до ден во ден. Одговорот на овие оцрнувања ќе стигне на 19 октомври“, вели Османи.