Бугарскиот претседател смета дека БПЦ треба да води сметка за блискоста со Македонија

Од:

Бугарскиот претседател Румен Радев смета дека прашањето за заложбите на Бугарската православна црква за признавање на независноста на МПЦ-ОА се во целосна надлежност на БПЦ, но треба да се води сметка за блискоста со Македонија.

– Тоа прашање е целосно во прерогативите на Бугарската православна црква. Но за време на мојата официјална посета во Република Македонија јас бев со двајца бугарски митрополити – Николај и Кипријан. Тука државата не може да се меша, но треба да се води сметка кога православните цркви ќе го решаваат тоа прашање дека од двете страни на границата меѓу Македонија и Бугарија имаме заеднички имиња, имаме заедничка историја, имаме заеднички празници и сме исклучително блиски. Нека води сметка за тоа и црквата, изјави бугарскиот претседател Румен Радев.

Одговорот на Радев беше за тоа дали ги поддржува заложбите на БПЦ за признавање на независноста на МПЦ-Охридска архиепископија и заедничкото сослужение меѓу двете цркви.

Бугарскиот претседател Румен Радев беше во посета на Македонија во минатиот месец и притоа го посети Бигорскиот манастир каде од свештената бигорска обител беше пречекан во манастирски и црковен ред. Радев беше првиот претседател на странска држава кој го посетил тој манастир.

Би можело да ве интересира

Екс премиерот на Бугарија – Кирил Петков не е веќе пратеник, си поднесе оставка

А1он

(ВИДЕО) Мицкоски: Бугарија има можност да се докаже на 24 јуни, па како добри соседи да ги градиме односите

Игуменот Георгиј е нов митрополит на Дебарско-кичевската епархија

Горан Наумовски

Од 1. јануари во Бугарија само со евра

Катерина Ѓуровски

Бугарите протестираат против воведувањето на еврото: „Сиромашните се плашат дека ќе станат уште посиромашни“

ВМРО-НП: Дали Македонската православна црква го слуша гласот на своето стадо или работи по диктат од надвор?