„Вчерашниот дожд во Синѓелиќ и Ченто на улица го извади осум годишниот резултат од работењето на градоначалникот во заминување Тони Трајковски. Улиците се претворија во бари и езерца заради недоволниот капацитет на атмосферската канализација.
Трајковски во двата изминати мандати очигледно беше зафатен само со личните интереси и со интересите на партискиот шеф Груевски.
Така, тој во својот мандат успеа да ја направи улицата на која живее па само таму нема бари и езера.
Ваквото своеволие, неработа и криминална организација граѓаните ќе го казнат во недела. Тие бараат одговорност и реализација на проектите, а не празни ветувања кои се повторуваат во секоја програма.
Сакаат подобра иднина, инфраструктура и просперитет, економски развој и иднина за младите. Ќе изберат Живот за сите“, изјави Милица Бубало.