Српската премиерка Ана Брнабиќ денеска ќе ја прими амбасадорката на Македонија во Белград, Вера Јовановска Типко, соопшти Владата на Србија.
Средбата ќе се одржи во зградата на српската Влада во 10,30 часот.
Засега нема информација на која тема ќе разговараат Брнабиќ и Јовановска.
Србија на 20 август го повлече персоналот од својата амбасада во Скопје на консултации во Белград. Српскиот претседател Александар Вучиќ објасни дека тоа е направено затоа што надлежните органи имале докази за „многу офанзивно разузнавачко дејствување“ против органите и институциите на Србија.
Брнабиќ тогаш, во врска со ситуацијата со српската Амбасада во Македонија, изјави дека „не станува збор за мала работа“.