Неколку локални подограноци на ДУИ во Струга писмено го предупредиле лидерот на партијата, Али Ахмети дека ако не го кандидара Рамиз Мерко за градоначалник на Струга, ќе ги бојкотираат престојните локални избори.
Тие во своето писмо го потсетиле Ахмети, дека Мерко бил предложен од 40 подограноци, за разлика од Арбен Лабуништи кој имал само три номинации и оти одговорноста за евентуалниот пораз на престојните локални избори кои ќе се одржат во март годинава нема да падне на нив.
Тие напишаа дека со Рамиз Мерко била сигурна победата на изборите. На писмото кое е испратено стојат потписи од неколку локални подограноци. Функционери од партијата во Струга ваквата ситуација ја толкуваат како последен обид на Мерко преку локалните подограноци на огранокот на ДУИ во Струга каде тој е претседател да издејствува да биде кандидат на ДУИ иако знае дека тоа ќе биде многу тешко, после првичната одлука Лабуништи да влезе во градоначалничката трка за Струга.