Божиновиќ: Извршителот на нападот во училиштето во Загреб имал ментални нарушувања

Од:

Министерот за внатрешни работи на Хрватска, Давор Божиновиќ, по трагедијата во основно училиште „Пречко“ во Загреб, изјави дека извршителот на нападот, во кој загина едно дете, а неколку други, меѓу кои и една наставничка, беа повредени, е поранешен 19-годишен ученик на тоа училиште кое претходно било пријавено за ментални нарушувања.

„Длабоко сме потресени како и целата јавност од овој страшен настан, утрово околу 10 часот кога 19-годишен сторител влегол во просториите на училиштето и со остар предмет ги нападнал наставникот и учениците. Според досега прибраните информации, од здобиените повреди едно дете починало, додека уште тројца повредени ученици се упатени во здравствените установи во Загреб. И наставникот и насилникот се во болница и на сите лица им се пружа медицинска помош“, изјави Божиновиќ.

Насилникот, додава тој, е 19-годишник кој бил ученик во тоа училиште и моментално живее во близина на училиштето. Се утврдуваат околностите и динамиката на настанот, истрагата, разговорите и отстранувањето на снимките од камерите се во тек и за ова полицијата навремено ќе ја информира јавноста, најави тој.

Би можело да ве интересира

(ВОЗНЕМИРУВАЧКО ВИДЕО) Објавено видео од полицијата како пука во напаѓачот во Германија

Ученик од Косово со нож избоде наставничка во Германија, полицијата го застрела напаѓачот

Горан Наумовски

Најмалку едно лице загина, а шест се повредени во напад со нож во Канада

Фестивал на македонски филм во Загреб во чест на Денот на независноста на државава

Катерина Ѓуровски

Дојава за бомба во канцеларијата на Томашевиќ, половина од зградата евакуирана

Верижна сообраќајна несреќа на автопат во Хрватска, едно лице загина, четворица се повредени