65-годишна жителка на тетовското село Мала Речица по потекло од БиХ, заедно со нејзиниот брат, успеала да украде 400.000 швајцарски франци од нејзиниот сопруг, по што избегала во Швајцарија, соопшти полицијата.
„Секторот за внатрешни работи Тетово, до Основното јавно обвинителство Тетово, поднесе кривична пријава против А.Х.(65), жителка на тетовското село Мала Речица и нејзиниот брат С.С.(56) од Босна и Херцеговина, поради постоење основи на сомнение за сторено кривично дело тешка кражба“, се вели во полициското соопштение.
„Двајцата се сомничат дека во периодот од 4 до 8 јуни годинава, А.Х. му помагала на нејзиниот брат С.С. да украде 400.000 швајцарски франци од А.Џ.(80) од Мала Речица, кој е нејзин сопруг и да избега во Босна и Херцеговина. По пријава на случајот во СВР Тетово, А.Х. исто така, заминала во Босна и Херцеговина и од нејзиниот брат ја одзела комплетната сума, по што заминала во Швајцарија“, велат од полицијата.