Бугарскиот премиер Бојко Борисов доцна попладне доаѓа во Македонија на неформална средба со претседателот на македонската Влада Никола Груевски.
Борисов во изјава за бугарската телевизија „Нова“ истакнува дека нема ништо тајно во посетата на Македонија, потсетувајќи оти пред неколку дека спомнал дека телефонски разговарал со Груевски и дека наскоро ќе се сретнат.
– Нема ништо тајно, едноставно доаѓам да се видиме и да поразговараме, без почести и помпезности. Да седнеме како пријатели и да поразговараме. Мислaм дека тоа е добар, а не лош гест, изјави Борисов.
Една од главните теми на средбата на двајцата премиери се очекува да бидат и македонско-бугарските разговори за склучување спогодба за пријателство и добрососедство, кои, како што оцени Борисов, напредуваат добро.
Бугарскиот премиер ќе дојде во Македонија во придружба на шефот на дипломатијата Николај Младенов.
