Болните деца во Гевгелија се негативни на Ковид-19, ќе се испитува што ја предизвикало инфекцијата

Од:

Тим од Клиниката за детски болести од Скопје денеска во Гевгелија заедно со тамошните лекари во Општата болница ќе испитуваат од каква респираторна инфекција заболеле педесеттина деца и бебиња. Тестовите за Ковид-19 кај децата биле негативни, рече денеска министерот за здравство Венко Филипче.

dobivaj vesti na viber

Тој истакна дека сè уште нема информации ниту детали за тоа за каква инфекција се работи и од што е таа предизвикана.

-Ваков тип на инфекции не се карактеристични за летниот период, туку за есен, и затоа ќе се испитува што ги предизвикало, истака Филипче одговарајќи на новинарско прашање по отворањето на Центарот за прва психолошка помош и психосоцијална поддршка на Црвениот крст на Република Северна Македонија.

Според информациите со кои тој располага вакви случаи не се пријавени во други градови во земјава.

Во текот на вчерашниот ден Министерството за здравство соопшти дека вкупно 50 деца и бебиња од Гевгелија во изминатиов месец побарале лекарска помош во локалната општа болница, со респираторна инфекција која не е типична за овој период од годината.

Би можело да ве интересира

ЕМА разгледува вакцинација на деца под петгодишна возраст

А1он

Гевгеличанец пронајден мртов во неговиот дом

Деца снимале како тепаат соученик, а снимките ги споделувале на социјалните мрежи

А1он

Од утре децата без маски на училиште

А1он

Импровизирана лабораторија за производство на марихуана откриена во куќа во Гевгелија, притвор за едно лице

ВИДЕО: Промоција на Педијатриски прирачник за правилен раст и развој

А1он