Пратеникот од коалицијата на СДСМ, Павле Богоевски, обвини дека поранешниот премиер и сегашен пратеник Никола Груевски, се уште го користи премиерскиот телефон, кој го плаќа државата.
– До мене стигна сметка на телефонот на Груевски, односно неговиот службен премиерски телефон, кој од март до април 2017-та година, направил 184 илјади денари за роаминг.
– Тоа значи дека државата ги плаќа координациите на Груевски од Малта за циркусот што го правите овде, рече Богоевски.
Тој кажа дека пратениците од ДПМНЕ со блокирањето на Собранието го прикриваат целиот криминал, оној кој се правел пред објавување на „бомбите“ и оној кој се прави во моментов.