Не сме тука да ги цениме околностите кои ви се товарат за обвинението, туку да расправаме за барањето дали да ви се одземе имунитетот, му рече Павле Богоевски на пратеникот Трајко Вељаноски, за време на седницата на Комисијата за деловнички и мандатно-имунитетни прашања.
„Убаво ја опишавте хронологијата на настаните за конститутивната седница, но не може да ме убедите дека од декември до април има само еден месец. Со траењето на седницата 4 месеци ризикуваме да се блокира цела држава. Според мене треба да пстапиме како во сите други случаи кога суд барал одземање имнуитет. Да се заврши постапката во суд, а не други институции да се користат во политички цели“, рече Богоевски.
Вељаноски возврати дека треба да има дискусија, а не собранието само како нотаријат да псотапува со удирање еден печат на барањето од судот.
Галена Николовска-Ризвановиќ