„Според Хелтгрупер, дури 59,4 проценти од испитаните доктори изјавиле дека размислуваат за промена на работното место. Од оние што размислуваат за промена на работното место 16,4 проценти размислуваат да преминат од државно во приватно здравство, додека дури 63,2 проценти размислуваат да ја напуштат државата и да заминат во странство. Значителен дел од 20,5 проценти од испитаните доктори размислуваат за промена на професијата.
За некоја година ќе нема кој да не лечи. Вас тоа не ве интересира, во приватни болници се лечите, си имате ваши бизнис ортаци со приватни болници.
Откако Тодоров го осакати образованието сега го осакати и здравството, му штрајкуваат доктори, умираат пациенти, родилки…
Тодоров и ДПМНЕ каде и да стапнат трева не никнува. Тоа е дијагнозата! А, лекот е Вистината за Македонија и граѓаните за Македонија. Така, да после избори ве праќаме на интензивно лекување.”, рече Стефан Богоев, пратеник и претседател на СДММ, на денешната седница за Интерпелација на министерот за здравство, Никола Тодоров.