Кандидатот за градоначалник на СДСМ и коалиционите партнери за општина Штип Благој Бочварски и кандидатите за советници на денешната прес-конференција истакнаа дека очекуваат фер и демокртаски Локални избори и победа во првиот круг на 15-ти октомври.
Бочварски истакна дека во нивната програма се планирани крупни капитални проекти за градот Штип, меѓу кои изградба и спортско рекреативен центар „Суитлак“, кој ќе се протега од паркот К’ртеќе до викенд населбата Суитлак, а во рамките на центарот ќе се изгради и Аква парк.
– Сонот за брана на река Отиња станува реалност. Штип е еден од ретките градови во Република Македонија во чија близина нема вештачко езеро, кое што би придонело да се ублажат летните горештини и зимските студови. Започнуваме со изградба на брана на реката Отиња, деценискка желба на штипјани. Средствата за реализација се планира да бидат обезбедени од Владата на Република Македонија и од буџетот на општина Штип, вели Бочварски.
Тој истакна дека во програмата е предвидено и намалување на цената на водата за 10 проценти, а идната локалната власт ќе работи како што вети одговорно, транспарентно и во служба на граѓаните.
