Одделението за безбедност на патниот сообраќај при Секторот за внатрешни работи Скопје спроведе зајакнати контроли со цел санкционирање на прекршоците на учесниците во сообраќајот, информираат од МВР, преку соопштение.
При контрола на брзина на движење на моторни возила, утврдено е дека 51 возач ја пречекориле брзината во населено место и тие се соодветно санкционирани. Откриени се и 59 останати прекршоци, кои исто така соодветно се санкционирани.
При спроведена контрола за прекршоци што ги чинат возачи на мотори беа откриени 17 прекршоци, кои се соодветно санкционирани. Исто така беа откриени уште 51 останати прекршоци.
Исто така беше спроведена контрола за непрописно престигнување, при што преземени се шест мерки. Откриени се и 13 останати прекршоци.