Поранешниот шеф на кабинетот во министерството за здравство, Дејан Блажески реагира на денешната прес-конференција на Игор Николов од ВМРО-ДПМНЕ.
„Нема да дозволам моето име да се користи за дневно политички поени, посебно од партија која нема никакво морално право да зборува за лоши реформи и криминал. Граѓаните се уште го паметат вашиот пулен-Министерот за смртност и пустошот што го оставивте во здравството.
Моите одлуки се темелат исклучиво врз принципи и професионализам, нешто што во ДПМНЕ не можете да го разберете. Моите коментари за здравствените политики ги доживувавам како општествена одговорност, а компетентноста за нив ја црпам од моите научни истражување како доктор на науки од областа на примена на менаџментот во здравството.
За крај, барам јавно да се извините за ставање на моето име во погрешен контекст, без грам срам и аргументи на вашата денешна прес-конференција споменувајќи за некаква си потврда од моја страна. Доколку не го направите тоа, ќе бидам приморан да посегнам по сите правни механизми кои ми се на располагање“ се вели во реакцијата на Дејан Блажески.