Реакции од партиите по годишното обраќање на претседателот на Република Македонија Ѓорге Иванов во Собранието на Република Македонија.
„Денеска бевме сведоци дека првиот човек на државата не е ништо друго освен слеп поддржувач на ликот и делото на „Пастирот“, рече Сафет Бишевац.
„Секој изговорен збор во денешното обраќање на Иванов во Парламентот не беше ништо друго туку старата флоскула – гласот го позајми овој пат Иванов. Да се биде слеп при очи и да се фали наводниот реформски подвиг во светски рамки, а да не се каже ниту збор дека еднат третина луѓе во оваа држава се гладни, дека една третина луѓе во оваа држава немаат работа, сето тоа да се претставува како огромен успех не значи ништо друго совен политичко слепило и поддржување на една недемократска и режиска власт. Фактот дека Иванов уште еднаш се потврди како претседател само на оние граќани кои гласале за него како што во една прилика ќе каже, покажува дека во Македонија во огромна мерка е загрозена суштината на државата, демократијата и правниот поредок“, додаде Бишевац.