Движењето Беса смета дека сите внатрешни и надворешни фактори треба да се заложат за да се заокружи процесот на уставните измени и да продолжат непречено интеграциските процеси на Македонија. Ваквиот став претседателот на партијата Билал Касами денеска му го соопшти на шефот на мисијата на ОБСЕ, амбасадорот Клеменс Која.
На средбата присуствуваа и потпретседателите Фадил Зендели и Кастриот Реџепи.
Како што соопшти Кабинетот на Касами, станало збор за политичката состојба во земјава со посебен акцент на постреферендумскиот период.
Според Касами, Движењето БЕСА и опозицискиот блок на Албанците биле одлучувачки фактор за излезеноста на референдумот.