Охридскиот градоначалник Александар Петрески не ги решава проблемите на охриѓани туку ги создава, сметаат од ВМРО-ДПМНЕ, а како потврда на ова тврдење го посочуваат неговото јавно признавање на проблемот со лошото управување со паркинзите, кои, како што истакнуваат од партијата, се во надлежност на општината, изјави портпаролот на ВМРО-ДПМНЕ, Александар Бичиклиски.
„Градоначалникот на СДСМ Александар Петрески пред медиумите јавно се жалеше за неуспесите и промашувањата од своето работење и лошото управување со паркинзите во Охрид, а токму општината е таа која го избира концесионерот и која му дозволила да наплаќа паушално, односно да го злоупотребува за сопствени бизнис интереси целиот јавен простор во Охрид“, рече Бичиклиски.