Поради зафати во водоводната мрежа, утре од 9 часот без вода ќе бидат дел од корисниците на ул. „Аминта Трети“ и околу Градскиот парк во општина Центар соопшти Регионалниот центар за управување со кризи по известување од ЈП Водовод и канализација.
Прекинот во водоснабдувањето ќе биде поради поврзување на мрежа од Ф-150мм на ул. „Аминта Трети“ во Градски парк, а вода ќе немаат корисниците од Градско Сообрание, Стадион, Лунапарк, ресторан „Уранија“ и ул. „Аминта Трети“.
Според најавата на РЦУК, корисниците ќе немаат вода од 9 часот до санирање на дефектот.